حاجي نكذب عَ المشاعر

حاجي نكذب عَ المشاعر

ونفترق ونحنا لبعض

والدمع من عيني ينزل

ومن عيونك عَ الأكيد

حاجي تقسي عليِّ أوعى

ينكسر قلبي اللي شاعر

ويبقى قطعة من حديد

لو بقلبك في محبة

أو صدق أو حتى حلم

لو بقلبك في مشاعر

في خير وما في ظلم

لو بقلبك في حقيقة

واضحة متل العلم

كنا فينا نبتدي

برحلة العمر الطويلة

وكانت الكلمة الصحيحة

للأمل هي وسيلة

إنو نزرع أحلى حب

وننسى لحظات البكي...

لكن الشر المجير

أو بيسمو مستطير

عَ البشر مدمد ذيولوا

تشرَّبوا مرُّوا الخطير

ما حدا وقف بوجُّوا

ولا وعي فينا الضمير

اللي عايش عَ الحصيرة

بيطمح يشوف الحرير...

يا خسارة هالحياة

ويا خسارة هالعمر

بتركض وتمضى الدقايق

ويبرد شوي الجمر

والحقيقة مش حقيقة

والخير منُّو خير

والحبيب اللي هوانا

شمَّع الخيط ورحل

وكتَّر علينا الحكي

وعدو إِلنا بأحلى حب

تلوَّن بلون البكي...

عادي إنك تتركيني

وتبعدي عني مسافة

وإلمح عيونك حزينة

وصوتك النايس بيقول

بدِّي إبعد بدِّي إهرب

بدِّي إرحل على طول

لا تقللي إني إرجع

ولا تودِّيلي عوافة...

بترجعي ما بترجعيلي

ما بهم كيف الوسيلة

لكن بقلك يا قلبي

إنو إنتي مش قليلي

شايفك عني رحلتي

ارتحتي من نقِّي وعويلي

ارتحتي من همِّي اللي قادر

يدبِّل الوردة الجميلة

بعدتي عن عطري وعني

وناطرك كاين بديلي...

كلما إحكي ببكي دمعة

وبمسح عيوني بحزن

بضحك شوية تا إنسى

بحزن ومن دون إذن

تركتي بقلبي علامة

ما بمحِّيها الزمن...